باجر

من طرف **الزمن الجميل** الأحد يناير 25, 2009 12:20 am

باچر بالوطن تجري انتخابات.. ولازم كل شريف ايوصي صبعه
للحيطه وحذر حط لبهامك عيون حتى يشوف من يختار ربعه
لتكَلي اضل بالبيت ماروح.. الكاعد ماحصد فد يوم زرعه
ولتكلي شغيّر..نفس الوجوه متوهم أكَلك هاي بدعه
اذا عينك امس خانتهه لاسماء.. خل عقلك نظر وتشوف نفعه
واذا تشعر كَبل مخدوع بانسان هسه تعلمت لتصير خدعه
صوتك بين اديك وتكدر اعليه.. وصبعك لاتعوفه يصير سلعه
مو هذا العراق ايصيرلك بيت.. ومنهو الغيرك وغيري اليسنعه ؟
******
واذا واحد سألني شلون تختار.؟ وجوابي اعله السؤال يريد ابسّطه
انتخب المجاهد صاحب التاريخ.. الامس لو جابو اسمه ايخوف السلطه
الحمل روحه اعله چفه وحارب الطغيان.. وبتراب العراق الطاهر اتغطه
وانتخب المواطن ألي يخدم زين.. ويفتر بين شعبه ويرسم الخطه
لنتخبه اريد ابابه فقره تكون.. ماريد اعله بابه ايحشّد الشرطه
لنتخبه اريد اجيوبه قديسات ماريد الجيوب التنكَلب جنطه

من طرف **لمسـة حنــان** الأحد يناير 25, 2009 5:13 am

والله موضوع في غاية الروووووووعة
صدك عاشت ايدك على هالطرح
لا تحرمنا مواضيعك الحلوووة

اللهم احفظ العراق واهله
وابعد عنه السوء وكل من طمع بخيره

كل الود
*||* لموووسة *||*